Monday, April 27, 2026


Your Daily News Update About CALABARZON and Beyond.
ISSN 2799-1911

Home Blog Page 762

Inagurasyon ng bagong pasilidad ng Laguna PPO: RD Cruz panauhing pandangal

Roy Tomandao
-
0
Inagurasyon ng bagong pasilidad ng Laguna PPO: RD Cruz panauhing pandangal

Sta. Cruz, Laguna. Pinangunahan ni PBGEN Eliseo DC Cruz, Regional Director ng Police Regional Office Calabarzon kahapon ang pag-unveil ng mga marker ng bagong renovate na mga gusali at opisina ng Laguna Police Provincial Office (PPO) kahapon, sa Camp Paciano Rizal, Barangay Bagumbayan, Bayang ito.

Sa paunang salita ni Deputy Provincial Director for Administration Police Lieutenant Colonel (PLTCOL) Rafael P. Torres, ipinahayag niya ang kanyang pasasalamat Kay Cruz sa pagbibigay nito ng atensyon na nagresulta sa agad na pagsisimula mga renovation projects na nagpahusay sa working space ng mga tauhan ng Provincial headquarters. Binigyang-diin din niya ang mahusay na disenyo ng mga tanggapan ay nag-ambag sa isang dekalidad, kumportable, at kaaya-ayang workspace na magpapabuti sa kagalingan at motibasyon at nakakaimpluwensya na maging produktibo ng mga pulis.

Kabilang sa mga bagong renovate na gusali ang administration building, PD at Female Quarters at ang Archangel Chapel Belfry. Ang gusali ng administrasyon ay sumasaklaw sa mga bagong renovate na opisina ng Provincial Director, Personnel Administration and Records Management Unit (PARMU), Provincial Community Affairs and Development Unit (PCADU), Police Executive Senior Police Officer (PESPO), Provincial Operations and Management Unit (POMU), at ang Budget and Fiscal Office.

Habang ang ilan sa mga gusali ng Laguna PPO ay nakumpuni na noong mga nakaraang taon, ang proyektong ito ay may pinakamalaking pinakamalawak na saklaw. Ang pagsasaayos ng iba pang gusali at pagtatayo ng iba pang mga opisina ay kasalukuyan pang ginagawa.

Ang bagong ayos na pasilidad ng Laguna Police Provincial Office sa pamamagitan ng mga hakbangin ni Acting Provincial Director PCOL Rogarth B. Campo ay bahagi ng pagpapatupad ng programa ng PNP sa Intensified Cleanliness Policy o ICP at sa 3D’s Policy o Discipline, Decorum and Distinct in contribution.

Sa kanyang mensahe, pinuri ni PBGEN CRUZ ang mga hakbangin ng Provincial Director at Laguna PPO sa pagpapabuti ng mga pasilidad at serbisyo nito sa mga mamamayan.

“Patuloy nating gawin ang mga nararapat upang mapataas pa ang kalidad ng serbisyo na ating ibibigay sa ating mamamayan.” ayon kay PBGEN Cruz.

Ang nabanggit na kaganapan ay dinaluhan din ng Regional Staff ng PRO-CALABARZON, Provincial Directors ng Cavite, Batangas, Rizal at Quezon PPO, Binan City lone District Representatives Len Alonte Naguiat, Ms. Maricar A Palacol, Chairperson, Laguna Peace and Order Council at mga Mayor ng mga Lungsod at Munisipyo sa Lalawigan, at DILG Laguna, Provincial Election Supervisor, kinatawan ng 202 Brigade Commander, Philippine Army.

Pinangasiwaan ni PCOL Ranilo A. Datu, Regional Chaplain ng PRO 4A ang pagbabasbas ng mga bagong ayos na pasilidad.

Binigyang-diin ng PCOL Campo na hindi magiging posible ang kanyang mga hakbangin kung wala ang aktibong suporta ng mga stakeholder na ang LGU at ang mga kinatawan ng Kongreso at ang mga local chief executive.

Presidential, VP debates sisimulan ng Comelec sa Pebrero

Venus L Peñaflor
-
0
Presidential, VP debates sisimulan ng Comelec sa Pebrero

Magsasagawa ng tatlong presidential at vice presidential debate ang Commission on Elections (Comelec) sa Pebrero at umaasa ito sa partisipasyon ng lahat ng kandidato para sa mga nabanggit na puwesto.

“We are preparing for the debate. We see high people’s interest in the opportunities where candidates will be facing each other and we would give them the opportunity to see that in a Comelec sanctioned event for everyone to attend,”ayon kay  Comelec spokesperson James Jimenez sa isang virtual forum kahapon.

Tig-isang debate ang gaganapin para sa presidential at vice presidential bets na magsisimula sa susunod na buwan, ayon kay Jimenez.

“We expect high participation from candidates when we stage the debates. Please look for the debates in February, fourth week, then another in March and April. One debate a month to cover the entire campaign period. It will be back to back. Today, we hold the presidential debate, tomorrow, we will have the vice presidential debate. That’s three times. Participation in the media is open. At every debate, every media person will be invited. They can broadcast it on air, all at the same time,” ayon pa rin kay Jimenez.

Idinagdag ng spokesman ng poll body na para sa mga kandidatong hindi dadalo sa mga diskurso, ang podium na nakatalaga para sa kanya ay bakante.

“If a candidate refuses to attend, their podium will remain empty. So we will make a big deal of the fact that they’re not there. I guess for a campaigner that could be a huge motivation to actually attend. So we were pretty confident that they would attend,” ayon sa kanya.

Sinabi ni Jimenez na pinaplano ng poll body na isagawa ang mga debate sa Luzon, Visayas, at Mindanao.


Mag iina natagpuan patay sa Romblon

Arman B. Cambe
-
0
Mag iina natagpuan patay sa Romblon

San Jose, Romblon. Natagpuang patay ang isang single mother at dalawa nitong anak sa loob ng kanilang kwarto kagabi ng madaling araw sa Sitio Upper Hinulugan, Barangay Poblacion, bayang ito.

Kinilala ni Romblon Police Station Chief Col. Reynold Rosero ang mga biktima na sina Wielyn Mendoza, 29 anyos at ang dalawa nitong anak na sina TJ Mendoza, 9 anyos at JB Mendoza, 7 anyos.

Nakita ng mga kamag anak ang mga bangkay ng mag iina na may tama ng mga saksak sa iba’t ibang bahagi ng katawan.

Ayon sa paunang imbestigasyon, ang insidente ay inireport ng mga kapatid ni Mendoza na nagngangalang Wilber at Charlie Seraspi. Batay sa kanilang salaysay, ang mag iina ay dumalo sa birthday party ng isang kapitbahay na nagngangalang Jack Gregorio noong Martes ng gabi at sabay sabay silang nagsi uwi.

“Tinawag ng isa pang kapitbahay na kapatid si Mendoza ngunit hindi sumasagot ito. Ng nakitang bukas ang pinto ay pumasok ito at nakita ang mga bangkay ng mga biktima,” ayon sa report na ipinahayag kay Rosero.

Sinabi naman ng case officer na si Staff Sergeant Felix Millares na may dalawang persons of interest na sa naganap na pagpatay.

“I direct San Jose police to conduct a thorough investigation in order to identify and arrest the suspects for this heinous crime. I will never cease until the suspects of this crime are placed behind bars”, ayon kay Mimaropa Police Regional Office Director Brig. Gen. Sidney Hernia, Mimaropa Police.

Ang basura ay ‘di biro

Joel Frago
-
0
Ang basura ay ‘di biro

Sa pagharap ng mundo sa mabigat na health crisis, sana ay hindi natin nakakaligtaan ang malaking problema ng mundo sa basura.

Ang basura ay isyu sa bawat bansa, region,lalawigan, lunsod, bayan at maging sa bawat tahanan. Kada bahay ay nakakapag generate ng average na 2 sako ng basura kada linggo. Kaya kung ang isang barangay ay may 200 pamilya, 400 na sako ito kada linggo. Hindi biro ang bultong ito ng basura kung pagsasama samahin ang basura ng 80 barangay dito sa aming lungsod ng San Pablo. Ang buong mundo ay nagtatapon ng hindi bababa sa 3.5 milyong tonelada ng plastik at iba pang solid waste bawat araw, 10 beses ang dami kaysa noong nakaraang siglo.

Matagal ng naituro sa atin na ang maling pagtatapon ng basura ay lubhang nakasasama sa kalikasan. Ang ating pamahalaan, national at local ay may mga programa sa solid waste management at waste segregation. Sa kabila nito, nananatili pa ring suliranin ang basura sa maraming lugar sa ating bansa. Maitatanong natin sa ating sarili kung sino ang dapat sisihin.

Sa linggong ito ay magbabalik-aral tayo sa tamang pagtatapon ng basura. At marahil ay magdagdag tayo ng ibayo pang pagsisikap upang mapagtagumpayan natin ang laban ng mundo sa mga problemang dulot basura at higit sa lahat ay makatulong tayo sa pangangalaga sa kalikasan.

Dito sa aming sa bukid, ang mga fish scraps na hasang, ulo, kaliskis at bituka ng isda ay ginagawa naming Fermented Fish Fertilizer. Ang mga iba pang nabubulok na basura ay inilalagay namin sa composting pit.  Ang mga bunot, pinaputulan ng kawayan ay ginigiling namin sa shredding machine upang magamit na soil medium. Ang mga tuyong tangkay ng puno ay iniipon namin para sa panggatong. Ang mga ipot ng manok, at dumi ng rabbit ay ginagawa naman naming vermi compost. 

Kahit ang ating lote o bakuran ay maliit lamang, pwede tayong gumawa ng ipunan ng mga basurang nabubulok sa malalaking paso. Tuwing maglalagay ng nabubulok na basura ay tabunan lang natin ng lupa sa ibabaw. Pagkaraan ng ilang buwan, ang compost pot na may matabang lupa ay pwede na nating taniman ng gulay o ornamental plants.

Ang mga junk shop ay instrumento sa solid waste management. Ang mga plastic, bote at papel ay ihiwalay natin at ipagbili sa junk shop. Sa aming kapitbahayan ay mayroon kaming Okne Junk Shop na bumibili ng  aming mga basura. Binibili din nila used oil o mantika na hindi na pwedeng gamitin sa pagpipirito. Malaking tulong sa aming araw araw na solid waste management ang junk shop na ito kaya’t sasamantalahin ko na ang pagkakataong ito upang pasalamatan si Shiela Calvero Cordero ng Okne Junk Shop.

Sa hardin namin ni Myrna ay mayroon kaming upuan na yari sa plastic na basura. Ingat na ingat namin ito dahil bigay ito ni Senator Villar. Nagsisilbi itong inspirasyon sa amin bilang mga recyclers.

Ngayong panahon ng pandemya ay limitado ang ating paglabas. Dahil dito ay marami tayong bakanteng oras. Pwede nating iukol ang kaunti nating panahon sa pag aaral at pagsisimula ng seryosong management ng ating mga basura. Hanapin natin ang mga pakinabang sa mga bagay na itatapon na. Hindi lang tayo makakatipid at kikita sa basura, makakatulong pa tayo sa pangangalaga sa kalikasan at sa nag iisang mundo natin.

Word of the week

Do not be conformed to this world, but be transformed by the renewal of your mind, that by testing you may discern what is the will of God, what is good and acceptable and perfect. – Romans 12:2

Qatar, nag-donate ng P23-M halaga ng bakuna sa PH

EDGARDO HERNAL
-
0
Qatar, nag-donate ng P23-M halaga ng bakuna sa PH

Nagbigay ang Qatar ng USD450,000 (humigit-kumulang PHP23 milyon) upang matulungan ang Pilipinas na makabili ng 50,000 doses ng bakuna laban sa coronavirus, ayon sa Qatar Embassy sa Maynila kahapon.

“Qatar Fund for Development, on behalf of the State of Qatar, has provided financial support to the Government of the Republic of the Philippines, to purchase 50,000 doses of Sinovac anti-Covid-19 vaccine for the cost of USD450,000, to the people of Philippines, as a continuation of Qatar’s response to provide a wider access to Covid-19 vaccine, This assistance is an extension of Qatar’s commitment to stand with the brotherly and friendly countries affected by the pandemic, by providing appropriate medical supplies to cope with the repercussions of Covid-19 and to provide health support to the people of the affected countries,” ayon sa statement ng embahada.

Sinabi ni Qatar Ambassador Dr. Ali bin Ibrahim Al-Malki na ang suporta ay “ay nasa loob ng balangkas ng humanitarian action” at nagsisilbing paraan upang maipaabot ang tulong sa mga mamamayang Pilipino na naapektuhan ng pandemya.

Idinagdag ni Khalifa bin Jassim Al-Kuwari, director general ng Qatar Fund for Development, na ang pinakahuling tulong na ito ay nagpapatunay sa “aktibong papel at pagsisikap” ng Qatar sa paglaban sa pandemya pati na rin ang posisyon nito upang tulungan ang “mga bansang magkaibigan at magkakapatid” tulad ng Pilipinas na mapagtagumpayan ang pandaigdigang health crisis.

Panahon ng kampanya: Ipapanalo ba ang katarungan o ang kandidatura?

Venus L Peñaflor
-
0
Panahon ng kampanya: Ipapanalo ba ang katarungan o ang kandidatura?

Katarungan. Kung Spanish, ito’y justicia, at kung English nama’y justice. Hindi sapat ang isang kolum para lubusang maipaliwanag ang katarungan na may salitang ugat na “tarong” sa Cebuano. Kung babalikan ang Meron at Miron sa mga Miyerkules na nailathala online ang kolum ko, parating laman nito ang katarungan – integrasyon man o tuwiran ang pagkakabanggit – ngunit malayo pa rin sa buong paliwanag. Kapag sinabing buong paliwanag, nakatitiyak ang sinumang Pilipino na sa pasikot-sikot ng salitang nagmula sa ika-20 siglong pamPilipinas, alam niyang iyo’y katarungan o kawalan nito. Ang magagawa lang ng isang kolumnista upang masabi niyang gumagamit siya ng katarungan sa espasyong pinagkakaloob sa kanya ay magbigay ng halimbawa ng katarungan o kawalan ng katarungan bilang dagdag-paliwanag sa mga nauna nang mga paliwanag ng mga pilosopo at pilosopo ng mga pilosopo, ang Diyos. 

Para masabing hindi tayo bato o anumang bagay (maliban sa bagay na may buhay), hindi tayo basta umookupa ng espasyo, kundi binibigyang katwiran natin ang existence o pagkakaroon ng ating kolum (“occupying space vs. justifying existence”).

Nahirapan ang isang pulitiko o mga taga-suporta niya na ipaliwananag kung bakit kailangang huwag dumalo sa isang panayam patungkol sa kandidatura ngayong Mayo 2022. “Biased” daw ang kung sino. Alangan namang walang paliwanag dito. Sa paanong paraang naging hindi patas o magiging hindi patas ang panayam o ang interviewer, tanging sila na lang sa hanay ng pulitiko ang makapagsasabi (not necessarily makapagpapaliwanag). Ayon sa kanyang masugid na taga suporta na isa ring personalidad sa telebisiyon, “okay lang” ang hindi pagdalo pero “huwag namang sabihing ‘biased'” ang interviewer. Sumatutal, sadyang mahirap depensahan ang hindi pagdalo ng pulitiko sa panayam. Kailangang maipaliwanag ng maigi ito dahil kung hindi, sumasalamin ito sa hindi magandang pagtrato ng pulitiko sa mga mamamahayag. Sang-ayon ang marami sa tugon ng kinakatawang institusyon ng interviewer na mabibigat ang tanong sa panayam dahil mabibigat din ang mga hamon ng trabaho ng aplikanteng pulitiko. 

Marami sa edad kong mga touch typist kung gamit ang makinilya, sa halip na PC, ang nakaaalala (at maswerte kayo’t merong mga kopya nito sa Youtube) ng mga panayam sa dalawang napakahuhusay na lider ng bansa: Senador Ninoy Aquino at Pangulong Ferdinand Marcos. Siguradong mahihirapan kang tumutok sa pagtuktok ng mga titik sa typewriter kung gusto mo silang i-cover at pakinggan kung paano sumagot sa magkakahiwalay nilang panayam, halimbawa sa programang pantelebisyon na Face the Nation https://www.youtube.com/watch?v=7WePUo245W8 noong Marso 10, 1978 nang humarap si Ninoy sa panel of interviewers sa pangunguna ni Ronnie Nathanielsz, at marami ring panayam kay Marcos sa loob at labas ng bansa na pwedeng ulit-uliting mapanood sa Internet sa mga ganitong panahon ng late 1970s pati early ‘80s; gayundin si Ninoy. 

Napili ko ang Youtube link na ito sapagkat magandang ikumpara ito sa maaaring kaharapin ni Ferdinand “Bongbong” Marcos Jr. sa pakikipanayam sa kanya sa napipintong eleksyon. Walang takot na hinarap ni Ninoy ang panayam. At bakit naman niya ikatatakot ang panayam na hindi naman niya ikamamatay? Sa kaso ni Marcos Jr. kamakailan, hindi magandang senyales ito ng pangangampanya. Maaaring maipanalo niya ang kampanya ng kanyang kandidatura, ngunit hindi ang kampanya sa katotohanan. Lalong hindi ang kampanya sa katarungan.

The greater good for the greater number

Melinda Bagsic Evangelista
-
0
The greater good for the greater number

The first month of the year 2022 is almost over yet the pandemic still looms. It is sickening to hear news about people starving, losing jobs and eventually dying due to COVID 19.  Equally appalling is the continued rise in the number of those infected despite the assorted vaccines procured by the government coupled with non-stop reminders for people to get vaccinated. 

Yes, the government has done its duties and obligation to provide the people with vaccines for free and it has continually reminded everyone to get inoculated.  The problem is some people are just too stubborn to listen to the call of the government while some political wannabes have the gall to say that there is a lack of information dissemination.  How can one say that the information campaign is lacking when for two years, the government and the media have covered all avenues reminding everyone about the importance of the vaccine?

Anyway, some people are not really qualified or eligible to take the vaccine like pregnant women, people with medical problems, those with allergies and those not allowed by their doctors. Of course, this is understandable and we should not make a big fuss out of it.  But those who simply do not believe in the existence of the killer virus or those who are afraid of needles need to be guided accordingly. Someone in their family must take the cudgel to convince them to get the vaccine, or else…

We as a people must cooperate with the program of our government so we can attain normalcy in the near future. We must obey the call of the government to follow the prescribed protocol which has been repeatedly being aired in the radio and on television.  As a matter of fact, even the President during his regular ‘talk to the people’ is reminding everyone to submit themselves to the much-needed vaccine. 

If those who are qualified will remain bull-headed and will not listen to the demand of the times, chances are we will have to bear with this pandemic for a long time.  Do you like it? I don’t like it! I want a normal life when I can roam around without a mask and face shield; without having to wash my hands every so often; without having to carry alcohol inside my bag.  I miss the times when I can freely go to a salon or call on my masseuse without fear of being contaminated.

Time flies so fast. Many of us are getting old and it’s so sad to ponder on the fact that the pandemic shall stay for a long time because the elderlies who are traveling their way into the sunset may no longer see the light of day at the end of the tunnel.  At this point in time, just be obedient!  Bear in mind what the President said last week that all the protocols were made ‘for the greater good of the greater number.’

Suspek na child molestor, tinugis ng Laguna PNP

Roy Tomandao
-
0
Suspek na child molestor, tinugis ng Laguna PNP

Sta. Cruz, Laguna.  Nasakote sa isang manhunt operations ang number 9 Most Wanted Person sa Laguna na may kasong 5 counts ng paglabag sa R.A. 7610 o Special Protection of Children Against Abuse, Exploitation and Discrimination Act.

Nadakip si Nathaniel Velasco, 44 anyos na salesman, may asawa at naninirahan sa Brgy. Tuntungin-Putho, Los Baños, Laguna sa ilalim ng pagtugis na isinagawa ng  mga tauhan ni Los Baños Municipal Police Station (MPS) Chief  PLTCOL Louie D. Dionglay kahapon.

“The State provides special protection to children from all forms of abuse, neglect, cruelty exploitation and discrimination; thus, that the law shall pursue abusers at all cost to make them answer for their offense,” ayon sa mensahe ni Laguna Provincial Police Office  Director PCOL Rogarth Campo.

Ang nahuling akusado ay kasalukuyang nakapiit sa Los Baños MPS habang inaabisuhan ang kote na nagpalabas ng warrant of arrest laban sa kanya.

Virtual digital print for packaging conference para sa MSMEs, idinaos ng DTI Laguna

Venus L Peñaflor
-
0
Virtual digital print for packaging conference para sa MSMEs, idinaos ng DTI Laguna

Victoria, Laguna. Patuloy ang suporta ng Department of Trade and Industry (DTI) Calabarzon sa pamamagitan ng  DTI Laguna Provincial Office sa pagsasagawa ng inobasyon at pagtulong sa mga MSME na makalikha ng world-class na mga produkto at pinahusay na kalidad ng packaging sa gitna ng umiiral na pandemya.

Pinangasiwaan ng DTI Laguna Provincial Office at mga katuwang nito sa digital technology ang isang Facebook livestream Webinar ng Business Conference Digital Transformation thru Packaging sa pamamagitan ng mga label at packaging ng NORDE International at HP Philippines at HP Singapore noong Enero 18, 2022.

Layunin ng nabanggit na virtual conference na ipakilala ang Packaging Hub Program ng NORDE International, HP Philippines at HP Singapore na nag-aalok ng teknolohiya na maaaring makagawa ng mataas na kalidad na packaging, magbigay ng mass customization, suportahan ang sustainable packaging at matiyak ang proteksyon ng tatak.

Ang kaganapan ay tinampukan ng mensahe ni DTI Region 4A Regional Director Marilou Q. Toledo, DTI Laguna Provincial Director Clarke S. Nebrao, Ms. Cherry Santos ang NORDE International Division Manager, Ms. Ivy Joan Tamisin ang HP Indigo Country Manager at DTI Laguna Business Development Chief, Ms. Marcelina Alcantara.

Pinangunahan ng HP Singapore ang talakayan sa digital transformation kung saan ay ibinahagi ni Mr. Yoav Lotan ang HP APJ Product & Solutions Head ang mga label a packaging na uso sa merkado.  Tinalakay naman ni Mr. Dennis Choo, HP APJ Solutions Architect ang inobasyon sa packaging at disenyo ng label. Para sa karagdagang talakayan, pinangunahan ni G. Edcent Chan, Asia Pacific – COE Manager ang live demo mula sa HP Singapore kasama sina Mr. Derek Cheng at Mr. Benjamin Tan, Pre-Sales Technical Specialists ang nagpapakita ng mga digital printer na HP Indigo 6K at HP Indigo 12000 press at iba pang mga produkto nito.

Ang nabanggit na aktibidad ay nagsisilbing unang serye ng mga pagsasanay at seminar na iniaalok ng DTI-Laguna sa mga kliyente at stakeholder nito. Ito ay tugon sa pagiging masigasig ng MSMEs na magpatuloy bilang gulugod ng ekonomiya na inaasahang magpapalakas ng pananalapi ng bansa.

Day of National Remembrance ng SAF 44, ginunita ng PNP

Venus L Peñaflor
-
0
Day of National Remembrance ng SAF 44, ginunita ng PNP

Ginunita ng Philippine National Police (PNP) kahapon ang magiting na sakripisyo ng nasawing 44 na PNP-SAF commando, na namatay pitong taon na ang nakararaan sa anti-terrorism operation na tinawag na Oplan Exodus sa Mamasapano, Maguindanao, isa sa mga hindi malilimutan at malagim na insidente sa kasaysayan ng serbisyo ng pulisya.

Ang pagdiriwang ng pambansang araw ng pag-alala ay alinsunod sa Presidential Proclamation No. 164, na inilabas ni Pangulong Rodrigo R Duterte, na nagdedeklara sa Enero 25 ng bawat taon bilang isang araw ng National Remembrance bilang parangal sa bayaning pagkamatay ng 44 na PNP-SAF elite troopers . Sa proklamasyong ito, pinararangalan ng bansa ang alaala ng kanilang marangal na mga gawa at kagitingan na magsisilbing paalala sa patuloy na sakripisyo ng magigiting na pulis.

Ngayong taon, bilang pagpupugay sa katapangan ng SAF 44 para sa ating bansa, isang National Day of Remembrance ang idinaos sa Special Action Force Headquarters sa Camp Bagong Diwa, Bicutan, Taguig City. Ang aktibidad ng paggunita ay dinaluhan ni Secretary of Justice Menardo I Guevarra bilang panauhing pandangal at Speaker, at ng matataas na opisyal ng PNP sa pangunguna ng Hepe ng PNP, Police General Dionardo B Carlos at mga pamilya ng SAF 44.

1...761762763...813Page 762 of 813




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3474World News3390Asia1411Curiosity1002War Reports and Updates617

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved