Sunday, April 26, 2026


Your Daily News Update About CALABARZON and Beyond.
ISSN 2799-1911

Home Blog Page 763

Clinical trial ng bakuna laban sa omicron variant sinimulan ng Pfizer

EDGARDO HERNAL
-
0
Clinical trial ng bakuna laban sa omicron variant sinimulan ng Pfizer

Sinimulan ng Pfizer at BioNTech ang isang clinical trial para sa ng Covid-19 vaccine partikular sa Omicron, ayon sa isang news release kahapon.

Susuriin ng pag-aaral ang bakuna para sa kaligtasan, tolerability at level of immune response para sa primary  at booster dose mula sa 1,420 malusog na nasa adult na may edad 18 hanggang 55 na nahahati sa tatlong grupo.

“While current research and real-world data show that boosters continue to provide a high level of protection against severe disease and hospitalization with Omicron, we recognize the need to be prepared in the event this protection wanes over time and to potentially help address Omicron and new variants in the future,” ayon kay Pfizer Senior Vice President and Head of Vaccine Research and Development Kathrin Jansen

Sinabi ni Pfizer CEO Albert Bourla noong nakaraang buwan na magkakaroon ng bagong bakuna para sa omicron variant sa Marso. Kinumpirma din sa spokesman ng Pfizer na nagsisimula na ang nabanggit na kumpanya sa paggawa nito.

Gayunpaman, binigyang-diin din ng Pfizer na ang mga taong nakatanggap ng booster doses ng kasalukuyang Pfizer vaccine ay “may mataas na antas ng proteksyon laban sa Omicron, lalo na laban sa malubhang sakit at hospitalization.”

Batay sa bagong preprint lab study ang antibodies laban sa Omicron variant ay nananatiling matatag apat na buwan pagkatapos ng booster dose ng bakuna ng Pfizer/BioNTech.

Gatchalian: Protektahan ang mga delivery riders sa mga abusadong customer

Carlo Juancho Funtanilla
-
0
Gatchalian: Protektahan ang mga delivery riders sa mga abusadong customer

“Kung gusto nating protektahan ang mga delivery riders mula sa mga pekeng booking at hoax order, dapat din natin silang protektahan mula sa mga abusadong customer,” ayon kay Senator Win Gatchalian.

Ang panawagan ni Gatchalian ay ipinalabas matapos mag-viral ang isang video sa internet na sinasakktan at hinihiya ng isang kostumer ang isang food delivery rider dahil wala itong ekstrang perang panukli.

Inaprubahan ng Senado sa ikatlo at huling pagbasa ang Senate Bill No. 2302 o ang iminungkahi ng “Food, Grocery, and Pharmacy Delivery Services Protection Act,” na naglalayong parusahan ang mga nagsasagawa ng panlilinlang laban sa mga delivery riders o sa mga umaabuso sa kanila sa pamamagitan ng mapanlinlang a online orders o pagtanggi na tumanggap ng cash on delivery na kumpirmadong order. Si Gatchalian ang co-author ng nabanggit na bill.

Sinabi niya na nabahala siya sa video na nagpapakita ng isang customer na sinusubukang salakayin ang isang food delivery rider dahil sa hindi sapat na pansukli para sa kanyang P1,000 bill.

“Anumang klaseng pang-aabuso sa kapwa, nang dahil lang sa hindi pagkakaintindihan, ay hindi katanggap-tanggap. Hindi dahil customer ay palagi nang tama. Walang dahilan upang pagmalabisan ang mga delivery rider na naghahanap buhay ng marangal,” ayon kay Gatchalian.

Batay sa panukalang Internet Transactions Act. Section 13 (c) states that it will be unlawful for consumers to unreasonably shame, demean, embarrass or humiliate online delivery partners.  Any person who violates this provision shall be punished with arresto mayor or a fine exceeding P100,000 without prejudice to any other available remedies under existing laws.

“Sakaling maging ganap na batas na itong mga panukalang ito, mabibigyan na ng sapat na proteksyon ang mga delivery riders laban sa mga customer na mapang-abuso, mapanghamak, at nanghihiya ng wala sa lugar,” dagdag pa ng senador.

Ang ipinapasang bill ay naglalayong magpatupad ng sapat na proteksyon sa mga karapatan ng consumers at delivery personnel.

Photo credits: latestchicka.com

4 na MWP, huli sa Laguna

Roy Tomandao
-
0
4 na MWP, huli sa Laguna

Sta. Cruz, Laguna.  Arestado ang apat na Most Wanted Persons MWP) sa magkakahiwalay na manhunt operations ng Laguna PNP, ayon sa ulat ni  Laguna Police Acting Provincial Director PCOL Rogarth B. Campo kay Calabarzon Regional Director PBGEN Eliseo DC Cruz kahapon.

Inaresto si Joselito Villanueva, 45 anyos na call center agent at residente ng Barangay Bucal, Calamba City, Laguna sa isang manhunt operations na isinagawa ng mga tauhan ng Calamba City Police Station sa pamumuno ni PLTCOL Arnel L. Pagulayan. Ang nabanggit na suspek ay dinakip ay sa bisa ng warrant of arrest na isinampa laban sa kanya noong Agosto 21, 2003 sa kasong paglabag sa RA 6425 o The Dangerous Drugs Act of 1972 na inisyu ng Regional Trial Court Br.92, Calamba City, Laguna. 

Nadakip din ng mga elemento ng San Pablo Police Station sa pamumuno ni Chief of Police PLTCOL Garry C. Alegre si Maureen Casalme, 33 anyos at residente ng Barangay VI-E, sa nabanggit na lungsod sa bisa ng warrant of arrest na isinampa laban sa kanya noong Enero 4, 2022 sa kasong Estafa na inisyu ng Municipal Trial Court, Branch 1, San Pablo City, Laguna.

Gayundin, sa San Pedro City Police Station sa pamumuno naman ni Officer-in-Charge PLTCOL Socrates S. Jaca, hinuli ang ika-6 na MWP sa Laguna na si Ryan Casacop Cruz alyas Budoy, isang piyon na residente ng Southville 3A, Bgy. San Antonio sa nabanggit na lungsod. Ang suspek ay nakahabla sa kasong paglabag sa Special Protection of Children against Child Abuse, Exploitation and Discrimination Act (Anti-Child Abuse Law) (5B) of RA 7610.

Sa Sta Cruz Municipal Police Station sa pamumuno ni Officer-in-Charge PLTCOL Paterno L. Domondon, Jr., inaresto si Ronnie Fuentes,  58 anyos na draftsman at residente ng Brgy. Sto. Angel Sur, Santa Cruz, Laguna sa kasong Anti-Violence Against Women and their Children Act of 2004 (Sec. 5 (A) of R.A. 9262) na ibinaba ng Regional Trial Court, Branch 26, Santa Cruz, Laguna.

Ang mga suspek ay nasa nakapiit sa mga nakasasakop na operating unit habang nakatakdang abisuhan ang mga korte hinggil sa pagkakadakip sa kanila.

“Hindi kami titigil hangga’t hindi napapanagot sa batas ang mga nagkasala gayun din ang mga kasalukuyang nagtatago pa dito sa lalawigan ng Laguna. Tuloy-tuloy ang aming pinalakas na kampanya laban sa mga wanted persons upang maihatid namin ang hustisyang nararapat para sa mga naging biktima nila,” ayon sa mensahe ni Campo.

Police Chief Carlos bumisita sa PRO Calabarzon: 10 pulis, pinarangalan

Arman B. Cambe
-
0
Police Chief Carlos bumisita sa PRO Calabarzon: 10 pulis, pinarangalan

Calamba City, Laguna. Pinarangalan ni Chief PNP, Police General Dionardo B. Carlos ang mga karapat dapat na tauhan ng PRO Calabarzon na nagpakita ng huwarang pagganap sa kanilang mga tungkulin.

Sa isang programang ginanap sa Camp Vicente Lim sa nabanaggit na lungsod noong Enero 22, 2022, tumanggap Medalya ng Kadakilaan sina PCOL Ledon D. Monte, Force Commander RMFB4A at PSMS Joeven J Dacayanan. 

Ginawaran naman ng Medalya ng Kagalingan PCAPT Jet Caesar D. Lontok, Chief of Police ng Amadeo MPS, PSMS Kithy Boy J. Costela, PLTCOL Rodel S. Ban-o, Chief Provincial Intelligence Unit, Cavite PPO at PCpl Dester D. Camaclang.

Sinabitan din ng Medalya ng Kasanayan sina PLT Gloria P. Baliuag ng RMFB4A, PLT. Maria Ailyn R. Francia, PMSG Jarmaine DS Bais ng RID 4A at PCpl Emil V. de la Cruz.

Pinupuri ni Chief PNP Carlos ang mga awardees at sinabi na sila ang representasyon ng lahat ng kalalakihan at kababaihan ng PRO CALABARZON.

“We cannot bring you all here in this stage. That’s how I see how good the police of this Regional Office”, ayon sa heneral.

Kasabay nito, ipinakita ni PRO CALABARZON Regional Director, PBGEN Eliseo DC Cruz ang iba’t ibang imprastraktura sa loob ng kampo kagaya ng Bagong PRO CALABARZON Admin Building, New Quarantine Facility, Rider’s Nook, at PCO Condominium 1 at 2. Bumisita rin ang Chief PNP sa state-of-the-art  Regional Command Center kung saan ay ipinakita ni Cruz ang kakayahan at layunin nito.

Gayundin, nagpasalamat siya sa PRO CALABARZON sa tulong na kanilang ipinaabot sa Rehiyon 6 sa panahon ng matinding epekto ng bagyong ‘Odette’.  “I would like to thank every member of CALABARZON for being the police big brother of Region 6 last devastation of typhoon Odette. What you have contributed is very much appreciated. You are the big brother of Region 6”, ayon kay Carlos.

Binanggit din ni Carlos ang papalapit na national elections at muling iginiit sa lahat ng tauhan ng PNP na maging non-partisan, neutral at walang kinikilingan. “Magtrabaho lang tayo at siguraduhing magiging matiwasay, ligtas, at mapayapa ang ating bansa ngayong darating na eleksyon,” ayon sa kanya.

Binigyang-diin pa niya ang kagandahang-asal ng bawat tauhan ng PNP.  “Hindi lang bilang pulis, kundi bilang isang tao na nakatayo at nakikiusap sa mga tao sa komunidad, maging magalang tayo sa lahat ng oras lalo na sa pakikipagkapwa-tao. Makiusap ng mahinahon at nakangiti, dyan natin maipapakita na ang kanilang pulis ay buong puso at tapat na nagseserbisyo,” ayon kay Carlos.

Higit sa lahat, ipinaalala niya sa bawat miyembro ng PNP ang ‘No Take Policy’ at huwag gumawa ng anumang uri ng ilegal na aktibidad. Inutusan niya ang mga commander na pangasiwaan at subaybayan ang mga tauhang sangkot sa kotong cops, illegal gambling at sabong o e-sabong/tupada. Kung ang mga tauhan ay iniulat at naaresto, ang immediate supervisor at matatanggal sa pwesto sang ayon sa ‘One Strike Policy.’

“Again, I see in every policemen the professionalism and the sacrifice that you do not just in this organization but for the Filipino people.  Wherever you are now, you deserve it. Sama-sama nating gawin, sama-sama nating susundin ang batas para sa ikabubuti ng bansang Pilipinas at higit sa lahat sa ikabubuti ng ating organisasyon. Whatever I am doing I am doing it for HIM”, ang pagtatapos ni Carlos.

Mahigit na 1K suspek sa anti-illegal gambling, inaresto ng Laguna PNP

Roy Tomandao
-
0
Mahigit na 1K suspek sa anti-illegal gambling, inaresto ng Laguna PNP

Sta. Cruz, Laguna.  Inaresto sa lalawigan ng Laguna ang isang libo isang daan at labing isang (1,111) ilegal na sugarol sa mga anti-illegal gambling operations na isinagawa ng Laguna PNP mula noog Oktubre 18, 2021 hanggang sa kasalukuyan, ayon sa report ni Laguna Police Provincial Office, Acting Provincial Director, PCOL Rogarth B. Campo kay CALABARZON Regional Director PBGEN Eliseo DC Cruz.

Ang Anti-Illegal Gambling Operation ng Laguna PNP ay pinalakas sa pamamagitan ng intel-driven na operasyon na may aktibong suporta ng komunidad. Sa 429 na operasyon ay nakumpiska ang Php 376,482.00 na taya mula sa iba’t ibang anyo ng ilegal na sugal.

Sa Anti-Illegal Gambling Operation laban sa  Illegal Numbers Game-STL Bookies, ang Laguna PNP ay nagsagawa ng 226 na operasyon na nagresulta sa pagkakaaresto ng 241 na mga sugarol, operator, at bettors, matapos silang mahuli sa akto habang nangongolekta ng bet-money para sa STL-Bookies . Nakumpiska ang kabuuang Php 102,608.00 halaga ng bet-money, STL Lastillas at iba pang Illegal STL Bookies paraphernalia.

Ang mga naarestong suspek ay nakakulong sa ilalim ng custodial facility ng kani-kanilang operating units, habang ang kasong Paglabag sa R.A. 9287 ang isinampa sa korte laban sa 241 suspek na naaresto sa Illegal Numbers Game-STL Bookies, at isang kaso ng Paglabag sa PD 1602 ang isinampa sa korte laban sa 870 suspek na naaresto sa iba pang uri ng ilegal na sugal.

“The Laguna PNP’s intensified campaign on Anti-Illegal Gambling Operation will continue to endure. Our fight against Illegal gambling is one of my priorities. Gamblers are no placed in Laguna. I am appealing to the public to continue to support the Laguna PNP in order to achieve our common desire for a safe place to live.  I warned all perpetrators to cease from engaging with illegal gambling activity as they will surely be held liable under the law,” ayon sa babala ni Campo.

Vaxxing ng 5-11 taong gulang sisimulan na sa Pebrero 4

Venus L Peñaflor
-
0
Vaxxing ng 5-11 taong gulang sisimulan na sa Pebrero 4

Sisimulan ng gobyerno ang pagbibigay ng formulated Covid-19 vaccine sa mga batang edad 5 hanggang 11 taong gulang sa Pebrero 4, ayon kay National Task Force (NTF) Against Covid-19 chief implementer, Secretary Carlito Galvez Jr., kahapon, Lunes ng gabi.

“We are already prepared in the vaccination of 5 to 11 years old,” ayon kay Galvez sa pre recorded na Talk to the People.

Sinabi ni Galvez na maglalabas ang gobyerno ng memorandum guidance ngayong linggo, na may mga pagpupulong sa town hall na isasagawa mula Enero 24 hanggang 28, para sa rollout ng pediatric vaccination sa ilalim ng 5-11 years old age bracket.

Ang formulated low-dosing Pfizer Covid-19 vaccine na gagamitin para sa nakababatang populasyon ay inaasahang darating sa Pebrero 2, dagdag pa niya.

Isang pilot run ang isasagawa sa isang hospital-based at isa sa local government unit (LGU)-based vaccination site bawat lungsod, sa loob ng National Capital Region (NCR), para sa unang yugto.

Pagkatapos ng isang linggo, palalawakin ito sa iba pang inoculation sites ng Metro Manila at iba pang rehiyon, para sa ikalawang yugto.

“We will open the hospital and non-hospital vaccination site and we will expand the sites further to other regions after one week. Again, we will open our vaccination rollout on February 4,” ayon kay Galvez.

Ang pinakahuling datos mula sa NTF ay nagpakita na 7,246,430 kabataan, o mga bata na may edad 12 hanggang 17 taon, ang ganap na ngayong protektado laban sa Covid-19.

Inaasahan ng gobyerno na mababakunahan ang mahigit na 39.41 milyon na bata na may edad mula zero hanggang 17 taong gulang.

Miyembro ng gun for hire gang, natimbog sa Laguna

Kevin Pamatmat
-
0
Miyembro ng gun for hire gang, natimbog sa Laguna

Sta. Cruz, Laguna.  Nadakip ang isang suspek na killer for hire sa pinagsamang pwersa ng Provincial Intelligence Unit , SWAT Laguna PPO at Cabuyao City Police Station sa pamumuno ni PLTCOL Brigido T. Salisi kahapon.

Si Alexander Acicar Marino alyas Hapon, 29 anyos, tindero ng longganisa ay nadakip sa kanyang bahay sa Southville, Brgy.Marinig, Cabuyao Laguna sa bisa ng warrant of arrest para sa dalawang kaso ng murder.

Nakuha sa suspek ang isang kalibre .45 baril at dalawang magazine.

Si Marino ang hinihinala at itinuturong suspek sa dalawang magkahiwalay na insidente ng pagkakapatay kay Ruben Milo Unay noong Agosto 22, 2021 sa Blk 18, Lot 132, Southville Subd., Brgy. Niugan, Cabuyao City at kay Rolly Rajal Tagiwalo noong Oktubre 18, 2021 Blk 30 Lot 96 Southville Subd., Brgy. Niugan, Cabuyao City.

Batay sa paunang imbestigasyon, ang suspek ay napag alamang miyembro ng “Bascogin Criminal Group” na kilala sa robbery gun-for-hire. Ang Bascogin Group ay nambibiktima sa lalawigan ng Laguna at kalapit  na mga probinsya, ayon pa rin sa report.

“Ang operasyon na ito ay bahagi lamang ng tuloy tuloy na operasyon hanggang sa masawata ang grupo na ito. Hindi tayo papayag na hindi mahuli lahat ng mga miyembro nito,” ang mariing pahayag ni Campo.

Upland coconut farmers sa Cavite, binigyan ng kaalaman sa food safety

Kevin Pamatmat
-
0
Upland coconut farmers sa Cavite, binigyan ng kaalaman sa food safety

Magallanes, Cavite. Tinalakay ng mga miyembro ng  DOST Cavite Food Safety Team kabilang si Anna Marie S. Daigan at Joan Mae Acacioa ang pagsasanay at tinatalakay ang mga pangunahing kaalaman sa food safety. Sa loob ng isang araw na interactive na aktibidad, sinakop ng mga facilitator ang pagpapanatili at sanitasyon ng pagkain kagamitan at pasilidad ng produksyon, at proteksyon ng impormasyon ng produkto.

Bilang paghahanda sa paggawa ng organisasyon ng iba’t ibang produkto ng niyog, natutunan ng Ramirez Upland Farmers Association (RUFAI) ang tamang mga proseso sa pagtiyak sa kaligtasan ng pagkain sa kanilang mga operasyon sa produksyon upang garantiyahan ang pagiging angkop ng kanilang mga produkto para sa pampublikong pagkonsumo. Kasabay nito, Gayundin ang mga trainers ay nagbigay din ng kaalaman kung paano maiiwasan ang panganib sa pagkain at guidelines sa sa pagkuha n license to operate.

Bilang tugon, ipinaabot ni G. Mario De Lima, Pangulo ng RUFAI, ang kanyang pasasalamat sa DOST Cavite sa tulong nito hindi lamang sa pagbibigay ng production equipment sa mga organisasyon, kundi pati na rin sa pagpapadali ng mga pagsasanay para sa pagpapaunlad ng kanilang kabuhayan.

Dumalo sa nabanggit na training ang mga opisyal at RUFAI, isa sa mga benepisyaryo ng Agroforestry Support Program for Enhancing Resiliency of Programa ng Community-Based Forest Management Areas (ASPIRE-CBFM). Ang training dagdag sa naunang deployment ng mga teknolohiya ng produksyon ng niyog ng Department of Science and Technology (DOST) upang suportahan ang kanilang kabuhayan.

Coconut farmers in Brgy. Ramirez, Magallanes, Cavite underwent a training on food safety last 21 January 2022.

Nakapagtala ang DOH ng mahigit 35K recoveries, 25K bagong Covid-19 infections kahapon

Venus L Peñaflor
-
0
Nakapagtala ang DOH ng mahigit 35K recoveries, 25K bagong Covid-19 infections kahapon

Iniulat ng Department of Health (DOH) kahapon ang 35,461 recoveries at 24,938 bagong Covid-19 infections.

Ang pinakahuling buletin ng Covid-19 ay nagpahiwatig ng 262,997 aktibong kaso habang ang kabuuang mga nakarekober ay tumaas sa 3,125,540, o 90.8 porsyento ng 3,442,056 na impeksyon mula nang magsimula ang pandemya noong Marso 2020.

Sa mga aktibong kaso, 250,235 ang banayad, 3,010 ang katamtaman, 7,944 ang asymptomatic, 1,499 ang malala, at 309 ang kritikal.

“Of the 24,938 reported cases today, 24,239 (97 percent) occurred within the recent 14 days — Jan. 11 to Jan. 24, 2022,” ayon sa report ng DOH..

Ang mga rehiyon na may pinakamaraming kaso sa nakalipas na dalawang linggo ay ang National Capital Region (NCR) na may 3,610 o 15 porsiyento ng mga bagong impeksyon; Region 4-A (Calabarzon), 3,382 o 14 percent; at Central Visayas, 2,562 o 11 porsyento.

Striegl, muling lalaban matapos matalo noong 2020

Carlo Juancho Funtanilla
-
0
Striegl, muling lalaban matapos matalo noong 2020

Babalik sa octagon ang mixed martial arts (MMA) star na si Mark Striegl kung saan ay makakalaban niya ang beteranong Amerikano na si Chas Skelly sa “UFC (Ultimate Fighting Championship) Fight Night: Dos Anjos vs. Fiziev” sa Pebrero 20 (Philippine Time) sa UFC Apex sa Las Vegas, Nevada.

Si Striegl ay anak ng isang Pilipinong ina at American-German na ama. 

Lalaban si Striegl sa unang pagkakataon mula noong matalo siya sa UFC kay Said Nurmagomedov ng Russia noong Oktubre 2020.

Parehong nakakuha si Striegl at ang URCC featherweight champion na si Skelly ng 18-3 win-loss record.

Labing-apat sa mga tagumpay ni Striegl ay sa pamamagitan ng pagsuko ng kalaban.

“I am super excited about this fight,” ayon kay Striegl sa isang online interview noong Huwebes.

Ang 33-taong-gulang na Striegl ay lalaban sana noong nakaraang taon ngunit nagtamo siya ng injury dahil sa training. 

Maayos na ang kanyang kalagayan at hindi  kailanman nagkasakit ng Covid-19 habang nasa pagsasanay sa Peoria, Arizona kasama ang sikat na MMA coach na si George Castro.

Balak bawiin ni Striegl ang kanyang winning streak matapos maputol ang kanyang four-game run ay naputol ni Nurmagomedov, na nagpatumba sa kanya sa loob lamang ng 51 segundo sa UFC Fight Island 6 sa Abu Dhabi, United Arab Emirates.

1...762763764...813Page 763 of 813




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3474World News3390Asia1411Curiosity1002War Reports and Updates617

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved