MAYNILA — Masisilayan din sa Pilipinas ngayong weekend ang isang bihirang celestial event na tinatawag na blue micromoon, isang full moon na itinuturing din na blue moon at micromoon, ayon sa mga astronomer.
Ang blue micromoon ay inaasahang sisikat sa gabi ng Mayo 31 at magiging visible sa iba’t ibang bahagi ng mundo, kabilang ang Pilipinas, basta’t maaliwalas ang kalangitan. Hindi kailangan ng telescope upang makita ito, bagama’t makatutulong ang binoculars para sa mas malinaw na pagmamasid.
Tinatawag na blue moon ang ikalawang full moon na nagaganap sa loob ng iisang buwan. Nauna nang nagkaroon ng full moon noong Mayo 1, dahilan upang maituring na blue moon ang full moon ngayong katapusan ng Mayo. Karaniwang nagaganap ang ganitong astronomical event kada dalawa hanggang tatlong taon.
Kasabay nito, ang naturang full moon ay isa ring micromoon, na nangangahulugang nasa pinakamalayong bahagi ng orbit nito mula sa Earth o malapit sa apogee. Dahil dito, ang buwan ay nasa layong humigit-kumulang 406,135 kilometro mula sa mundo at maaaring magmukhang bahagyang mas maliit at mas madilim kumpara sa karaniwang full moon.
Ayon kay astronomer Gianluca Masi ng Virtual Telescope Project, maaaring lumitaw ang micromoon na humigit-kumulang anim na porsiyentong mas maliit at 10 porsiyentong mas dim kaysa ordinaryong full moon, bagama’t maaaring hindi ito agad mapansin ng karamihan sa naked eye.
Dagdag pang tampok ng celestial event ang paglitaw ng Antares, isang matingkad na pulang bituin na kilala bilang “heart of the scorpion” sa constellation na Scorpius. Habang magkakaroon ng pansamantalang pagtatakip ng buwan sa Antares sa ilang bahagi ng Southern Hemisphere tulad ng Chile, New Zealand, at silangang Australia, mananatiling magkatabing makikita ang bituin at buwan sa kalangitan ng Pilipinas at iba pang bansa.
Sa kabila ng pangalan nito, hindi inaasahang magiging asul ang buwan. Ang terminong “blue moon” ay tumutukoy lamang sa pambihirang paglitaw ng dalawang full moon sa loob ng iisang buwan at hindi sa aktuwal na kulay ng buwan.
Ayon sa mga skywatching reports, ito lamang ang blue moon ng 2026 at ang susunod na katulad na event ay inaasahang mangyayari pa sa Disyembre 2028. Para sa mga nais makakita ng pinakamagandang tanawin, inirerekomenda ang pagmamasid habang sumisikat ang buwan sa eastern horizon sa gabi at pag-iwas sa mga lugar na may matinding light pollution.
Paraluman P. Funtanilla
Paraluman P. Funtanilla is Tutubi News Magazine's Marketing Specialist and is a Contributing Editor. She finished her degree in Communication Arts in De La Salle Lipa. She has worked as a Digital Marketer for start-up businesses and small business spaces for the past two years. She has earned certificates from Coursera on Brand Management: Aligning Business Brand and Behavior and Viral Marketing and How to Craft Contagious Content. She also worked with Asia Express Romania TV Show.
- Paraluman P. Funtanilla
- Paraluman P. Funtanilla
- Paraluman P. Funtanilla
- Paraluman P. Funtanilla
