MAYNILA – Kinumpirma ng Malacañang nitong Miyerkules na tinanggap ni Pangulong Ferdinand “Bongbong” Marcos Jr. ang pagbibitiw ni National Security Adviser Eduardo Año, na magreretiro matapos ang mahabang taon ng serbisyo sa militar at pamahalaan.
Ayon kay Presidential Communications Office Undersecretary Claire Castro, nagpasya si Año na lisanin ang serbisyo publiko dahil sa mga dahilan na may kaugnayan sa kanyang kalusugan.
“The President has accepted the resignation of National Security Adviser Eduardo Año. Secretary Año has decided to retire from public service after decades of continuous service in government and the military,” sabi ni Castro.
Dagdag niya, “We thank Secretary Año for his dedicated and distinguished service to the Filipino people.”
Sinabi ni Castro na naging mahalaga ang papel ni Año sa pagpapalakas ng pambansang seguridad ng bansa, kabilang ang mga hakbang laban sa terorismo, internal security operations, at mas pinaigting na koordinasyon ng mga ahensya ng seguridad sa gitna ng pabago-bagong hamon sa rehiyon at sa buong mundo. Aniya, nakatulong din ang kanyang pamumuno sa pagpapanatili ng katatagan at pagprotekta sa kapakanan ng mga Pilipino.
Sa hiwalay na pahayag, kinumpirma ni Año ang kanyang pagreretiro dahil sa “health reasons” na nangangailangan ng “full attention and care.”
“In recent months, it has become apparent that I must prioritize my health and well-being. To ensure continuity, stability, and the highest standards of service in safeguarding our national security, I believe it is time to step aside and allow others to lead,” aniya.
“An orderly transition is underway, and I am confident that critical operations and ongoing initiatives will continue,” dagdag niya.
Nagpasalamat din si Año kay Marcos para sa tiwala at kumpiyansa sa kanya. Nagpahayag din siya ng suporta sa kanyang papalit, at sinabing, “I remain confident in the strength and resilience of our institutions and in the capable, steady leadership of General Eduardo Oban, Jr. (Ret.), who will carry forward the mission of protecting our nation.”
“I have full faith that, under his leadership, our national security institutions will continue to uphold the highest standards of excellence and integrity,” dagdag pa niya.
Inanunsyo ng Malacañang na si dating Armed Forces of the Philippines Chief of Staff Eduardo Oban Jr. ang itinalagang bagong National Security Adviser.
Si Oban, na miyembro ng Philippine Military Academy Class of 1979, ay may malawak na karanasan sa operasyon ng militar, defense planning, at national security. Nagsilbi rin siya bilang Deputy Chief of Staff for Plans (J5) at pinuno ng Visiting Forces Agreement Commission.
“With his depth of experience, the President is confident that Secretary Oban will provide steady and capable leadership in advancing the country’s national security priorities and ensuring continuity in the government’s efforts to keep the nation safe and secure,” sabi ni Castro.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
